PEACE NA, MISS.

MAY BAGO NA! OHLALA!


INNER PEACE Y'ALL!

Paulit-ulit ko 'tong sinasabi, hindi dahil mediocre akong tao, at hindi rin dahil playing safe ako, ayoko lang kasi ng gulo, o away. Hindi ko alam kung bakit pero ako siguro ay lapitin ng away o gulo. Tantanan na lang nila sana ako. Mahal ko kasi ang tahimik kong buhay, hanggang sa isang payapang araw...

PARA SAKIN, GALING SA KANYA:

"YEAH DI IMPORTANT SAKIN ANG MGA PANGONG MALALAPAD ANG ILONG NA SINGKIT AT LUWA ANG MATA. WUTDAHECK UST KA LANG MAS MATALINO KAMI! :))))))"

Oops! Teka lang, iha. Maghunustili ka muna. Ayoko sanang matawa, ayaw ko rin lumabas ang aking paigiging makata. Pula ba iyan o papuri? Perpekto ka sigurong nilalang na nasa mataas na uri. Kung ganon man, sige ikaw na ang maghatol kung sino ang maganda at pangit, alam mo rin ba ang kasabihang: "bato-bato sa langit, ang pikon ay siyang pangit?"

Hindi ko alam kung ano ang kinakagalit ng taong ito sakin, samantalang umiiwas na nga ako sa gulo na napasukan ko. Inuulit ko, GULO KO, hindi niya, hindi ni ano, akin lang, hindi ko alam kung bakit bigla na lang siya nagalit ng ganito sa akin. Ayoko na din sigurong alamin.

Eto na naman ako haharap sa isang napakalabong bagay, gulo.

Miss, kung nagalit ka man sa akin dahil binura kita sa listahan ko sa FB at sa iba pang lugar sa internet, wag ka na maasar. Wala naman personalan 'to. Ayoko na lang ng gulo. Isa pa lilinawin ko hindi ako naduduwag sa iyo, ayoko lang ng away o gulo. Mahirap ba intindihin 'yon? Kung nahihirapan at naguguluhan ka, ganun din naman ako sayo, nang-aaway ka sa hindi ko maintindihan na dahilan, so kwits lang tayo.

Isa pa, miss. Ayoko ikumpara ang sarili ko sayo. Kung sarili mo din lang ang basehan mo sa paghuhusga mo sa iba, sige malamang pangit na ako at matalino ka at di hamak na mas madami ang nagkakandarapa sayo. Pero isang bagay lang, miss. Perpekto ka na sana, konting bago lang sa iyong pakikitungo sa iba.

Kalmahin lang sana natin ang ating mga sarili. Ayoko na pumatol sa issue, miss. Ayoko bumalik sa level 1. :)


INNER PEACE Y'ALL v(-_-)v